مد بصلي وقال
إنتِ سمعتي التسجيل كله؟
قلتله أيوه، وسمعت كمان إن فيه فلوس وحاجة مستخبية.
سامح بص لمراته وقال بصوت مخڼوق
أنا عايز أفهم الأول، إيه حكاية الفلوس اللي ماما بتتكلم عنها؟
ريهام ردت بسرعة
مفيش حكاية ولا حاجة، دي فلوس البيت وماما بتنسى، وإنتوا عارفين إنها ساعات بتتلخبط في الحسابات.
حماتي بصتلها بحدة وقالت
أنا ممكن أنسى أنا حطيت النظارة فين، لكن مش بنسى فلوسي راحت فين.
وبعدين قامت بالعافية، وطلبت من أحمد يجيب لها درج صغير كان في أوضتها. فتحته وطلعت منه دفتر قديم، ومعاه مجموعة إيصالات، وحطتهم على الترابيزة.
قالت
من حوالي ست شهور، أنا كان معايا مبلغ 48 ألف جنيه، كنت محوشاهم على جنب عشان مصاريف العلاج والعلاج الطبيعي، ولما ضهري تعب أكتر، بقيت محتاجة أعمل جلسات منتظمة وأجيب أدوية باستمرار.
وبصت لسامح وكملت
أنا وقتها كنت بثق في مراتك، وطلبت منها تساعدني في ترتيب مصاريف البيت، واديتها 12 ألف جنيه تشتري بيهم احتياجات البيت والأدوية اللي ناقصة. وبعد فترة طلبت منها باقي الفلوس اللي كانت في الدرج، قالتلي إن المصاريف زادت وإنها دفعت منها حاجات كتير.
سامح سألها
يعني
إيه يا ماما؟ الفلوس كانت معاها؟
قالت
لأ، أنا كنت سايبة الفلوس في الدرج، وكل شوية ألاقي مبلغ ناقص. ولما سألتها قالتلي إنها بتشتري حاجات للبيت، وإنها بتسجل كل حاجة. لكن لما طلبت منها الحساب، فضلت تأجلني.
ريهام دخلت في الكلام
هو أنا كنت بسرق يعني؟ أنا كنت بصرف على البيت، ومش كل حاجة لازم أحتفظ بإيصالها!
حماتي ردت
أنا مش بطلب منك إيصال على كل رغيف عيش، أنا بطلب أعرف فلوسي راحت فين.
وبعدين طلعت ورقة من الدفتر وقالت
أنا قعدت أحسب مصاريف العلاج والبيت، وراجعت كل اللي دفعته بنفسي، ولقيت إن فيه 30 ألف جنيه مش
عارفة راحوا فين.
سامح بص لريهام وقال
إنتِ قولتيلي إن ماما بتديكي فلوس عشان تشتري حاجات للبيت، وإنك بتصرفي عليها من فلوسك كمان!
ريهام اتلخبطت وقالت
أنا فعلًا صرفت، ومش فاكرة كل حاجة دلوقتي.
حماتي فتحت موبايلها وقالت
أنا كنت ساكتة، لكن لما سمعت كلامك في التسجيل، عرفت إن الموضوع مش مجرد نسيان أو اختلاف حسابات.
وبعدين شغلت جزء تاني من تسجيل كانت محتفظة بيه، وكان صوت ريهام واضح وهي بتتكلم في مكالمة تانية
أنا خدت من فلوس ماما شوية عشان أسدد اللي عليا، وهعوضهم بعدين. هي
أصلًا مش بتراجع ورايا، وسامح مش بيسأل في التفاصيل.
سامح قام واقف مرة واحدة.
إنتِ خدتِ فلوس أمي عشان تسددي ديونك؟
ريهام حاولت تمسك إيده وقالت
استنى بس، أنا كنت مضغوطة، وكان عليا أقساط، وكنت ناوية أرجعهم!
قالها
وإنتِ لما كنتِ بتقوليلي إن ماما محتاجة مصاريف، كنتِ بتقولي الحقيقة ولا كنتِ بتاخدي فلوس زيادة؟
سكتت.
والسكوت المرة دي كان أوضح من أي إجابة.
حماتي مسحت دمعة من عينها وقالت
أنا مش زعلانة على الفلوس قد ما أنا زعلانة إنك استغلّيتي تعبي وثقتي فيكي. أنا كنت بعتبرك بنتي، ومكنتش متخيلة إنك تخبي عني حاجة بالشكل ده.
ريهام بدأت ټعيط وقالت
يا ماما أنا غلطت، بس والله ما كان قصدي أضرك.
حماتي ردت
واللي عملتيه في ندى كان قصدك إيه؟
ريهام بصت ناحيتي ومردتش.
حماتي كملت
البنت دي سابت بيتها وجت تساعدني من غير ما تطلب مني جنيه، وإنتِ كنتِ بتصوريها وبتضحكي عليها، وفي نفس الوقت بتاخدي من فلوسي وتخافي إنها تكتشف اللي بيحصل. إنتِ كنتِ عايزة تبعديها عن بيتي عشان محدش يسألك عن الحساب.
سامح بص لمراته وقال
يعني إنتِ صورتي ندى عشان تمنعيها تيجي عند أمي؟
ريهام قالت
أنا كنت غيرانة، خلاص!
هي كل ما تيجي ماما تفضل تشكر فيها، وأنا حاسة إن
