جزء التاني والأخير التسجيل اللي ڤضح ريهام قدام العيلة كلها وكشف حقيقة كانت مخبياها عن جوزها وحماتها!
أول ما أحمد قفل معايا، فضلت ماسكة الموبايل وببص لرسالة حماتي. كان جوايا أسئلة كتير، لكن أكتر حاجة كانت شاغلاني إيه اللي ممكن ريهام تكون قالته في التسجيل يخلي حماتي توصل لمرحلة إنها تبعته لكل العيلة، وتطلب من سامح يواجه مراته؟
اتصلت بحماتي تاني، وردت عليا بسرعة.
قلتلها يا ماما، أنا مش هقدر أفضل مستنية. التسجيل فيه إيه؟
قالتلي اسمعيه مرة تانية يا ندى، بس المرة دي ركزي في كل كلمة، ومتستعجليش في الحكم. أنا مش عايزة أظلم حد، لكن كمان مش هسمح لحد يظلمني أو يهينك.
فتحت التسجيل من أوله.
كان صوت ريهام واضح، وكانت بتتكلم مع واحدة من قرايبنا، وبتضحك وهي بتقول
أنا بقولك إيه، ندى دي سهلة أوي، إنتِ متعرفيهاش. خليتها تسيب بيتها وبنتها وتيجي تغسل الحمام عند حماتي، وصورتها كمان. أنا عايزة العيلة كلها تشوف الفرق بيني وبينها.
صوت قريبتنا سألها يعني إنتِ صورتيها مخصوص عشان تنزلي الصورة؟
ريهام ردت من غير أي تردد
طبعًا! هو أنا هفوّت فرصة زي دي؟ دي طول الوقت بتعمل
نفسها البنت المثالية اللي بتخدم ماما وبتحبها. أنا عايزة أفهم الناس إن كل واحدة ليها مكانها، وإن مش معنى إنها بتعمل شوية شغل في البيت إنها بقت صاحبة فضل علينا.
قريبتنا قالتلها بس دي مرات أخو جوزك، وإنتِ كده بتكسري بخاطرها.
ريهام ضحكت وقالت
سامح نفسه عارف إني مش بطيقها، وأحمد مش هيقدر يعمل حاجة. ده أنا عارفة أتكلم معاه كلمتين يخليه يسكت. وبعدين أنا مش هسيب ندى تاخد مكانتي عند ماما. أنا اللي بقالي سنين في البيت ده، ومش هسمح لواحدة داخلة من أربع سنين تعمل نفسها أقرب مني.
وقفت التسجيل لحظة.
أنا كنت متوقعة أسمع شتيمة أو كلام سخيف، لكن اللي سمعته كان اعتراف واضح إن الصورة متصورتش بالصدفة، وإن الإهانة كانت مقصودة، وإن ريهام كانت شايفة إن مساعدتي لحماتي منافسة ليها!
رجعت شغلت التسجيل، وسمعت قريبتنا بتسألها
طب وإنتِ ليه مش بتساعدي مامتهم بنفسك؟ ما إنتِ مرات ابنها الكبير.
ريهام ردت بعصبية
أنا مش ناقصة ۏجع دماغ. وبعدين لو أنا عملت كل حاجة، هيفضلوا محتاجين ندى في إيه؟ خليها هي اللي تروح وتيجي، وأنا أفضل مرتاحة. المهم قدام الناس أفضل أنا الكبيرة وصاحبة البيت.
وبعدها قالت جملة خلتني أحس إن الموضوع أعمق من مجرد غيرة
وبعدين ماما لو عرفت أنا بعمل إيه في موضوع الفلوس، هتقلب الدنيا عليا. عشان كده لازم ندى تفضل بعيدة عن البيت شوية، لأنها لو فضلت تدخل وتخرج هتلاحظ كل حاجة.
هنا انتهى التسجيل.
فضلت باصة للموبايل، وقلبي بيدق بسرعة.
موضوع الفلوس إيه؟ وإيه اللي ريهام خاېفة حماتي تعرفه؟
اتصلت بحماتي، ولما ردت سألتها فورًا
يا ماما، هي تقصد إيه بموضوع الفلوس؟
حماتي أخدت نفس طويل وقالت
عشان كده بقولك متتكلميش مع أحمد قبل ما تسمعي مني. فيه مبلغ كان معايا في البيت، وأنا كنت فاكرة إن سامح بيتصرف فيه بمعرفتي، لكن اكتشفت إن فيه حاجات اتعملت من ورايا.
سألتها فلوس إيه يا ماما؟
قالتلي أنا هقولك لما تيجي، لأن سامح وأحمد وصلوا عندي، وريهام كمان موجودة. والموضوع لازم يتقفل النهارده.
دخلت عند حماتي بعد حوالي نص ساعة، ولقيت أحمد واقف جنب سامح، وسامح وشه متغير تمامًا. أما ريهام فكانت قاعدة على الكنبة، ماسكة موبايلها، وبتحاول تبان هادية، لكن واضح من حركة إيديها إنها متوترة.
أول ما دخلت، حماتي مدت إيدها ليا وقالت
تعالي يا ندى،
اقعدي جنبي.
سلمت عليها وقعدت،
