كنت رايحه اجيب بنتي من المدرسه، واتصدمت لما لقتها بتعيط وهي بتدي كل الفلوس اللي معاها لسلفتي، وبتقولها بلاش ماما تعرف، وقتها قررت افهم مخبيه ايه عني ومهما كان اللي عملته هسامحها فيه وانقذها من ضغط سلفتي عليها، بس اللي عرفته كان فظيع حرفيا اصعب من ان عقل ام يتحمله!!!!
كنت راجعة من السوق، شايلة شنطة الخضار في ايدي وتعبانة، بس قلت أعدي على مدرسة بنتي حبيبة في سكتي، أجيبها معايا بدل ما ترجع لوحدها في الشمس.
انا جوزي مسافر وبيشتغل في الإمارات و حبيبة دي بنتي الوحيدة، نور عيني عندها 14 سنه.
كانت طول عمرها آية في الأدب، متفوقة جداً، حافظة لكتاب ربنا، ومبتفوتش فرض، والكل كان بيحسدني عليها وعلى تربيتها وهدوئها.
بس من فترة كدة، الحال اتغير.. بدأت أشوف عليها حاجات غريبة مش لايقين عليها. بقت دايما سرحانه وساكته، عيونها زايغة، أكلها قل وبقى جسمها خاسس وشاحب. وكل شوية تيجي تطلب مني نزود المصروف، بحجة إن الأكل بقى غالي وهي بتجوع في المدرسة وسط اليوم.
ومرات تانية تيجي مرتبكة، وشها أصفر، وتطلب مبالغ كبيرة شوية وتقولي يا ماما المدرسة طالبة مننا حاجات لتزيين الفصول، وعايزة أجيب كذا وكذا عشان النشاط.
وكنت أنا أديها علطول ومن غير ما أستخسر فيها مليم واحد؛ مهي بنتي، وحبيبتي، وأبوها متغرب هناك عشان ما تحسش ان ناقصها حاجه.
المهم، وصلت عند بوابة المدرسة، وكنت لسه هدخل جوه عشان أخدها، وفجأة اتسمرت في مكاني.. شفت بنتي واقفة في ركن جنب السور مع سلفتي عفاف مرات أخو جوزي.
في الأول استغربت، وقلت لنفسي عفاف معاها ولد هيه كمان في الدرايه يمكن رايحة تاخد ابنها ، بس اللي شوفته بعد كده وجع قلبي بجد.
لقيت حبيبة طلعت كل الفلوس اللي معاها من شنطتها، ومدت ايدها بتترعش وحطتهم في إيد عفاف، وقالت بصوت مكسور .. والله ده كل اللي معايا النهارده، أنا حتى ماكلتش ولا اشتريت حاجة عشان أوفرهالك.
عفاف بصت للفلوس ببرود، وعدتهم، وبعدين بصت لها بتهكم وقالت بقى أبوكي شغال في الإمارات، وراجل عالي، وده كل مصروفك؟ الكلام ده ما ينفعش يا حبيبتي، ده كده ما بقاش جايب همه ولا إيه؟.
بنتي عيطت بحرارة وقالت وهي بتترجاها والله هذودهولك.. والله هجيبلك تاني بس بلاش ماما تعرف، أرجوكي يا طنط.. أرجوكي ارحميني.
عفاف ضيقت عينيها وقالت بضيق مصطنع لولاش بس إنك بتصعبي عليا… المهم، الأسبوع ده .. عايزة 1000 جنيه عشان أجيب حاجة للولد، تتصرفي وتجبيهم وإلا إنتي عارفة هعمل إيه وهقول إيه .
حبيبة اتخضت وفتحت عينيها بصدمة وقالت وهي بتبكي بصوت مكتوم ألف؟! ألف جنيه كتير قوي يا طنط.. أجيبه منين بس؟.
في اللحظة دي، حسيت إن الغضب اشتد في داخلي، ونزل على عيني سحابة سودا. إزاي ست في مقام خالتها تستغل طفلة لسه مكملتش ١٤ سنة؟ إزاي تجرؤ تعمل فيها كده عشان أي غلطة عملتها.. مهما كانت!
استشاط غضبي، وعزمت جوه نفسي إني هدخل عليها حالاً، وأجبها من شعرها قدام الكل، وأخلص بنتي من الکابوس ده ومن ضغط الست دي، ومهما كان اللي بنتي عملته.. أنا أمها وهسامحها وهحميها.
بس قبل ما أخد خطوة واحدة قدام، وقفت مكانى فجأة.. فكرت بيني وبين نفسي اصبري شوية.. اسمعي منها الأول، اعرفي بنتك عملت إيه أصلا يخليها خاضعة للضغط ده كله ومستسلمة للذل ده؟.
وياريتني ما فكرت.. وياريت رجلي انكسرت قبل ما أقف وأسمع ، لأن اللي عملته بنتي كان فظيع.. فظيع حرفياً أصعب بكتير من إن عقل أم يتحمله، وكأن الدنيا اتقفلت في وشي ومبقاش فيه أرض تشيلني!!!!!!
فضلت واقفة مكاني، مستخبية ورا عربية راكنة، وقلبي بيدق بطريقة عمري ما حسيت بيها قبل كده. كنت عايزة أطلع أجري على بنتي وأخدها في حضڼي، وفي نفس الوقت كنت قلقانة من الكلام اللي ممكن أسمعه.
عفاف قربت منها وقالت بصوت واطي إنتي فاكرة إن الفلوس دي هتخلص الموضوع؟ إنتي ناسية إن معاكي حاجة لو مامتك عرفتها مش هتقدر تبص في وشك تاني؟
حبيبة حطت إيديها على وشها وفضلت تعيط والنبي يا طنط متفكرينيش، أنا ندمانة ومش هعمل كده تاني، والله تبت، أرجوكي سيبيني في حالي.
عفاف ضحكت بسخرية وقالت توبة إيه بس؟ هو أنا لما أحتاج منك حاجة هفضل أفكرك كل شوية؟ إنتي اللي حطيتي نفسك في الموقف ده، ولازم تتحملي نتيجة غلطتك.
حبيبة ردت وهي بتترعش أنا كنت صغيرة ومكنتش فاهمة، وإنتي قولتيلي إن الموضوع هيبقى سر بينا، وإن محدش هيعرف.
عفاف رفعت صوتها شوية وفعلاً محدش عرف، ومحدش هيعرف طول ما إنتي بتسمعي الكلام. إنما لو فكرتي تفتحي بوقك، أنا هروح لأمك وأحكيلها كل حاجة، وهوريها كمان اللي معايا.
حبيبة شهقت من العياط وقالت لأ يا طنط، أرجوكي، ماما لو عرفت هتتعب من الصدمة.
في اللحظة دي حسيت إن قلبي اتخلع من مكانه. إيه اللي معاها؟ وإيه السر اللي بنتي قلقانة منه للدرجة دي؟
عفاف مدت إيدها وخدت باقي الفلوس من حبيبة، وبعدها قالت متنسيش الألف جنيه قبل يوم الخميس، ومش عايزة أسمع أعذار.
عفاف قربت منها وقالت بصوت واطي إنتي فاكرة إنك لما تفضلي تعيطي هنسى اللي حصل؟ فاكرة اليوم اللي كنتي فيه عندنا ووووو
عفاف قربت منها وقالت بصوت واطي إنتي فاكرة إنك لما تفضلي تعيطي هنسى اللي حصل؟ فاكرة اليوم اللي كنتي فيه عندنا، واللي حصل للولد الصغير؟ فاكرة صوته وهو بيتألم؟ لو أمك عرفت إنك كنتي السبب في اللي حصله، هتقدري تبصي في عينها إزاي؟
حبيبة حطت إيديها على ودانها وقالت بتعب والنبي يا طنط كفاية، أنا كنت طفلة ومكنتش أقصد، والله ما كنت أعرف إن الموضوع هيوصل لكده.
