جوزي اتجوز بنت عمه المعاقه ذهنيا بعد ما ابوها اتوفى ،انا قولت خدامه ببلاش وجت لحد عندي،بس اتفاجأت لما شوفت جوزي معاها في اوضتها وبقى يروح يبات معاها زيها زيي ، وقتها كان لازم اتصرف وابعدها عن حياتي، بس اللي عملته فيها قلب بمصېبه على دماغي مش بتنيمني الليل !!!!
انا متجوزه وعايشه في الارياف عم جوزي الله يرحمه كان مخلف بنت واحدة.. فاطمة. البنت دي اتولدت معاقه ءهنيا وعقلها زي الاطفال بالظبط، تفكيرها تفكير بنت عندها خمس سنين، لا بتضر ولا بتفيد.
فاطمه امها مټوفية من زمان وملهاش حد في الدنيا غير ابوها
وكانت عايشه معاه لحد ما ماټ.
وقتها لقيت
محمود جوزي جالي وبيقولي بنت عمي ملهاش حد ومش هينفع تقعد لوحدها ، وانا هكتب عليها واجيبها تعيش معانا هنا، اهو اجر وثواب وتونسنا وتساعد معاك .
في الاول ما زعلتش خالص، بالعكس! قلت في نفسي بنت معاقة وعقلها في اكلها وشربها، هجيبها تخدمني وتعمل شغل البيت وانا احط رجلي على رجل .
وفعلًا، محمود كتب عليها وجابها البيت عندنا. اديتها اوضة صغيرة على قدها، ومن اول يوم نزلت عليها شغل البيت كله.. مسح، غسيل، طبيخ، وهيا مابتفتحش بقها بكلمة، تضحك للكل وتلعب مع العيال كأنها طفلة.
كنت قاعدة في الصالة حاطة رجل على رجل وهيا رايحة جاية تخدم، وكنت شايفة الموضوع
مكسب ليا من كل ناحية.
بس الايام دارت.. وبدأت اشوف حاجات ما كنتش اتخيلها في يوم من الايام. بقيت اشوف محمود كل ما يدخل من بره جيب لها في ايده شيكولاتة وبسكوت من اللي بتحبهم، وتلاقيه اول ما يدخل ينادي عليها، وهي تجري عليه فرحانة. ومع الوقت، لقيتها اوقات تقعد على الارض وتتكي برأسها على رجله وتقوله بصوت طفولي محمود.. احكيلي حكاية زي كل يوم.
وكان محمود بيضحك من قلبه ويقعد يحكيلها كأنها بنته مش مراته. كنت بشوف ده واضحك في نفسي واقول خليه يتسلى، دي عيلة هتعمل ايه يعني؟ عمري ما فكرت ان ممكن يجي يوم وعيني تشوف اللي شفته.
لحد اليوم الاسود
اللي ما
انستوش ابدًا.. كنت نازلة عند امي في اخر البلد، وكنت فاكرة محمود في شغله بره في الارض. رجعت على البيت بدري شوية، فتحت الباب ودخلت على سكتي، وقفت عند اوضتها.. لقيت الباب مردود نص ردة. بصيت جوه تنحت مكاني!
لقيت محمود قاعد على السرير، وفاطمة قاعدة في حضنه، وماسك مشط وبيسرحلها شعرها، وبيضحك معاها ضحكة عمره ما ضحكها في وشي وانا عروسة وكان باين انهم لسه مستحمين وكانوا سوا.
حسيت بڼار ولعت في صدري، اټجننت! هجمت على وزعقت بصوت عالي وكنت رايحة امد ايدي عليها اضړبها واجر شعرها، بس لقيت محمود هب في وشي ووقف قدامي و قال لي كلمة جننتني
اكتر اوعي تمدي ايدك عليها! دي مراتي زيها زيك بالضبط!.
زيها زيك؟! الكلمة دي فضلت ترن في وداني وتخبط في دماغي كأنها شواكيش! يعني ايه زيها زيي؟ يعني البنت اللي كنت بقول تخدمني وكنت بستصغرها، بقت ضرتي؟! وبقت تاخد مكاني في حضنه وفي اوضته وفي كل حاجة؟
ومن يومها.. مبقاش يبات عندي غير كل فين وفين، بقى يروح يبات في اوضتها، وهي فرحانة ومش فاهمة حاجة، وانا قاعدة في اوضتي باكل في روحي من الغل والقهر والڼار اللي ولعت في قلبي.
مبقيتش طايقة قعادها في البيت دقيقة واحدة، وبقى الشيطان يوسوس لي ليل نهار لازم تخلصي منها.. البنت دي لو فضلت، هتاخد
جوزك وبيتك وكل حاجة منك، ما حدش هيحس بغيابها ولا حد سائل عنها اساسا.
الفكرة كبرت في دماغي لحد ما في يوم استنيت محمود صحي الفجر وخرج بدري لشغله . وقمت جري دخلت على فاطمة وهي نايمة، صحيتها ولبستها لبس الخروج وهي فرحانة ومش فاهمة حاجة، وضحكت في وشها وقلت لها قومي يا فاطمة، في واحد صاحب محمود واقف بره بعربية نقل، هياخدك تروحي عند محمود الشغل عشان يفسحك ويجيب لك شيكولاتة كتيرة.
البنت صفقت بيدها من الفرحة، وطارت معايا وطلعت بره. كان واقف واحد بعربيه نص نقل، اتفقت معاه بقرشين، وركبتها جنبه وهي بتلوح لي بايدها ومبتسمة.
الراجل ده كان كل شغله
يلم
يبيعوهم لناس في القاهرة، بنات ياخدوهم يشغلوهم في الشوارع، وبنات تانية ياخدوهم لبيوت مشپوهة واماكن ژبالة ما يعلم بيها الا ربنا.
رجعت البيت وانا حاسة اني خلصت منها ولما محمود يجي هقوله انها طلعت ومرجعتش ، هيدور شويه وبعدها ييأس وابقى ارتحت من وجودها.
مكنتش اعرف ابدًا ان اللي عملته ده هيقلب بمصېبة سودا على دماغي هتحرم عيني النوم !!!!!
بعد ما العربية اختفت من قدامي، فضلت واقفة مكاني شوية، وبعدين دخلت البيت وقفلت الباب ورايا، وحسيت براحة غريبة كأني كنت شايلة جبل واتشال من على صدري.
قولت لنفسي خلاص، فاطمة راحت، ومحمود لما يرجع هقوله إنها خرجت ومش عارفة راحت فين، وهو بقى يتصرف ويدور عليها براحته.
بس الغريب إني من اللحظة دي بقيت حاسة پخوف مش مفهوم، كل ما أفتكر وشها وهي بتلوح لي بإيدها وتضحك، قلبي يقبض، وأطرد الفكرة من دماغي وأقول لنفسي ما هي كانت هتضيع حياتي، وأنا عملت اللي يريحني.
عدى حوالي ساعتين، وسمعت صوت محمود وهو داخل البيت، وكان بينادي بصوت عالي يا فاطمة… يا فطومة، إنتي فين يا حبيبتي؟
أنا اتوترت، بس حاولت أبين إني طبيعية، وخرجت له من المطبخ وقلت مش عارفة، دي خرجت من بدري ومشفتهاش من ساعتها.
بص لي باستغراب وقال خرجت إزاي؟ ومع مين؟
قولت له وأنا بعمل نفسي مشغولة معرفش، يمكن راحت عند حد من الجيران، هي مش صغيرة يعني.
محمود سابني ودخل أوضتها، وبعد شوية خرج وهو ماسك عروسة قماش كانت بتحبها، وقال لي فاطمة عمرها ما بتخرج من غير ما تقولي، وخصوصًا إنها مبتعرفش ترجع لوحدها… إنتي متأكدة إنك مشوفتيهاش؟
قولت له بعصبية هو أنا هخبيها عنك ليه؟ وبعدين إنت بقيت مش شايف غيرها، البيت كله بقى فاطمة وفاطمة!
بص لي نظرة غريبة وقال أنا مش هتكلم معاكي دلوقتي، أنا هخرج أدور عليها.
وخرج من البيت بسرعة.
كنت فاكرة إنه هيدور عليها في البلد ويرجع، لكن المغرب أذن وهو لسه بره، وبعدها سمعت صوت عربيات كتير وقفت قدام البيت.
بصيت من الشباك
لقيت محمود نازل من عربية الشرطة، ومعاه اتنين من رجال المباحث.
قلبي وقع في رجلي، وحسيت إن الأرض بتلف بيا.
دخلوا البيت وسألوني عن فاطمة، ومحمود كان واقف ساكت وبيبص لي.
واحد من الضباط سألني آخر مرة شوفتيها إمتى؟
قولت له نفس الكلام اللي قولته لمحمود، لكن الضابط طلع تليفونه ووراني صورة عربية نص نقل، وقال العربية دي شوفتوها قبل كده؟
وشي اصفر، لأني عرفتها على طول.
حاولت أتماسك وقلت لا، معرفهاش.
الضابط بص لمحمود وقال إحنا عندنا شاهد شاف مراتك وهي بتركب البنت العربية دي الصبح، وكمان عندنا رقم العربية.
محمود قرب مني خطوة وقال بصوت مبحوح إنتي
عملتي إيه يا هانم؟ فاطمة راحت فين؟
لقيت نفسي بعيط وبقول أنا معرفش حاجة، أنا كنت عايزة أريح دماغي منها بس!
أول ما الكلمة خرجت من بقي، حسيت إني وقعت في حفرة مفيش رجوع منها.
الضابط طلب مني أشرح قصدي، ومحمود كان حاطط إيده على راسه ومش قادر يستوعب.
اعترفت إني اتفقت مع الراجل ياخدها، لكن حاولت أقول إني مكنتش أعرف هو هيعمل فيها إيه.
محمود قرب مني وعينيه مليانة دموع وقال يعني إنتي سلمتي فاطمة لواحد غريب؟ دي بنت عمي، دي أمانة أبويا وصاني عليها قبل ما ېموت! إزاي قلبك طاوعك؟
وقتها بس عرفت إن فاطمة مكانتش مجرد بنت عمه في نظره، وإنه كان شايل وصية أبوها في رقبته.
خدوني القسم، وهناك عرفت إن الموضوع أكبر بكتير من اللي كنت متخيلاه.
الراجل اللي اتفقت معاه كان معروف عند الشرطة، وعليه بلاغات قديمة في قضايا خطڤ واتجار بالبشر، وكان بيستغل البنات والسيدات اللي مالهمش حد، ويستدرجهم بحجة الشغل أو المساعدة.
وفي نفس الليلة، الشرطة قدرت توصل للعربية من خلال رقمها، لكن الراجل كان سابها في مكان بعيد وهرب.
عدى يوم كامل وأنا في القسم، ومحمود لا بيكلمني ولا حتى بيبص في وشي.
كنت بسمع صوته وهو بيسأل الضباط طب هي أكلت؟ طب خاڤت؟ طب حد زعق لها؟ دي مبتعرفش تتصرف لوحدها، دي لو عطشت مش هتعرف تطلب كوباية مية من حد غريب!
كل كلمة كان بيقولها
كانت بتدبحني.
وفي
اليوم التاني، دخل ضابط المكتب ووشه متغير، وقال لمحمود عندنا خبر، لقينا خيط ممكن يوصلنا ليها.
محمود قام من مكانه بسرعة فين؟ هي فين؟
الضابط قال إنهم وصلوا لست كانت موجودة في المكان اللي العربية وقفت فيه، وإن الست دي قالت إنها شافت بنت بنفس المواصفات في عربية تانية، وإن البنت كانت بټعيط وبتنادي على محمود.
محمود حط إيده على وشه وانهار في العياط.
أنا لأول مرة أحس إن اللي عملته مش مجرد غلطة، دي چريمة ممكن تفضل عايشة في ضميري طول عمري.
فضلت أردد يا رب تكون بخير، يا رب تكون بخير.
وبعد ساعات طويلة، جالنا اتصال من المباحث.
لقوها!
فاطمة كانت في شقة في منطقة
بعيدة عن بلدنا، ومعاها ست كبيرة كانت بتحاول تهديها، بعد ما الشرطة داهمت المكان وقبضت على أكتر من شخص متورط في الشبكة.
محمود جري من غير ما يستنى حد، وأنا فضلت قاعدة مكاني مش قادرة أقوم.
بعد شوية الضابط سمح لي أروح أشوفها، لكن محمود كان رافض في الأول، وبعد إلحاح وافق بشرط إني مدخلش عليها لوحدي.
أول ما دخلنا المستشفى، لقينا فاطمة قاعدة على السرير، لابسة هدوم المستشفى، وحاضنة العروسة القماش بتاعتها.
وشها كان شاحب وعينيها حمرا من العياط.
أول ما شافت محمود، مدت إيديها ناحيته وصړخت بفرحة وخوف في نفس الوقت محمود! أنا كنت بدور عليك! الراجل الۏحش خدني بعيد،
وأنا كنت عايزة أرجع البيت.
محمود جري عليها وحضنها وهو بيعيط خلاص يا حبيبتي، أنا جيت، مش هسيبك تاني.
وبعدين بصت ناحيتي.
أنا قربت منها وقلت وأنا بعيط فاطمة، سامحيني يا حبيبتي، أنا غلطت.
لكنها رجعت لورا وخبت وشها في كتف محمود، وقالت هي زعلت مني؟ أنا مش هعمل شغل البيت تاني، بس متسبنيش أروح مع الراجل الۏحش.
الكلام ده كان كفيل يخليني أقع على الأرض من الۏجع.
حتى بعد كل اللي عملته فيها، البنت كانت فاكرة إن اللي حصل عقاپ ليها عشان مقصرتش في شغل البيت!
محمود بص لي وقال إنتي عارفة هي كانت بتقول إيه وهي في العربية؟ كانت بتقول للراجل أنا عايزة أرجع لمحمود
عشان هو بيجيب لي
